19 فروری تا 31 مئی ۔ داستان ایک سفرِ مسلسل

31 مئی ۔پنشنرز کے دن کو پاکستان میں پنشنرزکے حق میں تاریخ بدلنے کے لئے ،وہ تمام ستارے جو گردشِ قیادت کے تلاطم خیز ہیجان و فقدان سے بکھر چکے تھے ۔وہ دوبارہ   آل پاکستان پنشنرز ایسوسی ایشن کے مدار میں داخل ہورہے ہیں ۔ یا داخل ہونے کی کوشش کر رہے ہیں ۔اُنہیں اِس بات کا احساس ہو چکا ہے کہ فردِ واحد کسی بھی تنظیم کا عقلِ کل نہیں ہوتا ۔  ہم کھلے دل سے ، اُنہیں خوش آمدید کہتے ہیں -

تنظیمیں سنیٹرل ایگزیکٹو کونسل، تنظیم کے دیگر صوبائی اور ڈویژنل عہدیداران اور پنشنرز کے مشوروں سے چلتی ہیں ورنہ پتوں کی طرح بکھر جاتی ہیں ۔ باقی عہدیداران کا تنا اور شاخیں رہ جاتی ہیں ، جن کا ننگ  چھپانے کے لئے اگلے موسمِ بہار کا انتظار کرناپڑتا ہے ۔ 

اِس کرہ ارض پر وہی نظام قائم رہتا ہے جو انسانوں کے لئے منفع بخش ہو ! (الکتاب)

-- -  مَا يَنفَعُ النَّاسَ فَيَمْكُثُ فِي الْأَرْضِ  ۔ ۔[13:17]  

جناب مصطفیٰ حسین خان صاحب نے 24 مئی کو تین ممبران کی میٹنگ میں بتایا ، کہ

 پنشنرز کو حکومتی عمائدین نے ایک بار پھر دھوکا دینے اور اُنہیں معیشت کے سمندر میں پچھلے دو سال کی طرح ۔ اِس سال بھی پھینکنے کی تیاری کر لی ہے ۔

 مختلف تجاویز کے بعد اُنہوں نے آئیڈیا دیا کہ ہمیں 30 مئی کو دھرنے کا اعلان کرنا ہوگا ۔ سیکریٹری جنرل نے تسلیم کیا کہ دھرنے کے علاوہ کوئی چارہ نہیں ۔ تمام پنشنرز تنظیموں کے عہدیداران سے عندیہ لینے کے بعد 30 مئی کے دھرنے کے لئے سیکریٹری جنرل نے وٹس ایپ پر ملک کے دیگر صوبوں کے پنشنرز اور عہدیداران سےایک سوال کے ذریعے  رائے مانگی ۔

کیا اسلام آباد کے تمام فیڈرل گورنمنٹ  کی ملازمتوں  سے ریٹائرڈ  پشنرز ایک فیڈرلی ریٹائرڈ پنشنر کے ساتھ اسلام آباد کے ڈی چوک میں 30 مئی کی صبح 8 بجے پرامن انداز میں دھرنا دے کر اپنے حقوق کی آواز بلند کرنا پسند کریں گے ؟؟؟

اگر آپ اِس سوال پر غور کریں تو یہ  سیکریٹری جنرل کی طرف سے نہیں بلکہ ایک فیڈرلی ریٹائرڈ پنشنرز کی طرف سے ، پنشنرز کی  PULSE (نبض) جانچنے کا ایک فوجی طریقہ تھا ۔ 

جس کو سب  تنظیموں کے عہدیداران نے سراہا ۔ کہ اب دھرنے کے سوا کوئی چارہ نہیں  ۔

چنانچہ تمام تجاویز کو عملی جامع پہنانے کے لئے 25 مئی 2021 کو سنٹرل ایگزیکٹو کونسل کے ممبران کا اجلاس ہوا ، جس میں جناب رانا محمد اسلم ، میجر (ر) محمد نعیم الدین خالد ، جناب مصطفیٰ حسین خان، جناب اشفاق احمد ، جناب صفدر اقبال ، (ؤٹس ایپ پر) جناب بشیر احمد بلوچ اور جناب ڈاکٹر عامر بھٹی شامل ہوئے ۔

میٹنگ کے خاتمے کے بعد جناب بشیر احمد بلوچ نے نوٹیفیکشن دیا کہ :

آج 25 مئی مرکزی قائدین ، سی ای سی کی میٹنگ منعقد ہوئی جس میں ڈی چوک اسلام آباد کا علامتی دھرنا اور پر امن احتجاج کی تجویز پر غور ہوا۔ جس میں 30مئی 2021 کو احتجاجی دھرنا صبح آٹھ بجے ہونا طے پایا۔

یہ نوٹیفکیشن ۔ سیکریٹری جنرل نے آل پاکستان پنشنرز ایسوسی کے تمام رجسٹرڈ ممبران ، متفق ممبران پاکستان ، پنشنران اور تمام پنشنرز تنظیموں ، ایسوسی ایشنوں ، سوسائٹیز اور گروپس کے عہدیداران کو وٹس ایپ ، فیس بک ، ٹویٹر اور انسٹا گرام پر مشتہر کر دیا ۔

30 مئی کو اتوار کا دن ، کئی پنشنرز اور عہدیداران نے تجاویز دیں کہ دھرنے کادن اتوار کے بجائے سوموار 31مئی 2021 کر دیا جائے تو بہتر ہے ۔چنانچہ بشیر احمد بلوچ نے سی ای سی کے ممبران کو وٹس ایپ گروپ پر تجویز دی :

مجھے کئی فون آ چکے ہیں اور پرانے عقل مند لوگوں کی یہ تجویز آ رہی ہے کہ احتجاج اور دھرنے کی تاریخ تبدیل کر دو، یعنی 30مئی سے 31مئی کر دو، اتوار سے پیر کر دو مطلب ورکنگ ڈے میں، لہٰذا میں اپنے جانب سے یہ تجویز دیتا ہوں،دھرنے کی تاریخ 31 مئی کر دی جائے۔

چنانچہ ۔ کثرتِ رائے سے دھرنے کی تاریخ 31 مئی 2021 کر دی گئی ۔

31 مئی کا دن ہمیں بتائے گا کہ 31 مئی کے دھرنے کی کشش نے کتنے ستاروں کو سی ای سی کے ممبران نے اپنی جھولی میں بھر لیا ۔
وہ جہاز جس کی سمت ، یو ٹیوب ، فیس بُک ، انسٹا گرام اور ٹیوٹر پر ، حسد اور الزامات سے موڑنے کی پوری کوشش کی گئی- سنٹرل ایگزیکٹو کونسل   کے ممبران نے اپنی پوری دیانت داری ، لگن اور دن رات کی کاوشوں  سے  ، اُس کی پتوار کو قابو میں رکھ کر   ، سمت اُسی جانب رکھی   اب وہ انشاء اللہ  اپنے منزل پر پہنچنے والا ہے ۔ 

 میں سیکریٹری جنرل۔ سنٹرل ایگزیکٹو کونسل کے ممبران کو مبارکباد دیتا ہوں کہ اُن کی کاوشوں سے بالآخر حالات کے مدو جزر کا مقابلہ کرنے کے بعد ،اسلام آباد میں 31 مئی 2021 کو ہونے والے ۔ پنشنرز کے عظیم الشان اجتما عی دھرنے کے لئے ۔ حیدر آباد سے ، حیدرآبا ڈویژن کے متحرّک صدر ۔ سنٹرل ایگزیکٹو کونسل کے ممبر اور کواڑڈینیٹرصوبہءِ سندھ ،جناب بشیر احمد بلوچ کی روانگی نے ، آپا کے ممبران اور دیگر پنشنرز ایسوشی ایشن کے لیڈران کو یہ یقین دلوادیا کہ ،

آل پاکستان ایسوسی ایشن نے حکومت کو، یہ  احساس دلائے گی کہ  31 مئی کادن پنشنرز کی امنگوں کے مطابق ، پنشنرز کی پنشن میں اضافہ کروانے کے لئے ایک نہایت اہم سنگِ میل ثابت ہوگا ۔ 

کیوں کے :
پہلا قافلہ : جناب بشیر احمد بلوچ صاحب جمعہ المبارک کی قیادت میں شام راولپنڈی پہنچ چکا ہے

دوسرا قافلہ جناب ولی خان کی قیادت میں خیبر پختون خواہ سے شام 30 مئی کو پہنچے گا ۔

تیسرا قافلہ ۔ جناب حیدر علی خان ، چیئرمین آڈیٹر ایسوسی ایشن  خیبر پختون خواہ   کے پنشنرز کے ساتھ اسلام آباد پہنچ رہا ہے ۔

 چوتھا قافلہ : آل پاکستان ریٹائرڈ ایمپلائز ایسوسی ایشن کے صدر غفور علی بھٹی کی قیادت میں اسلام آباد پہنچے گا ۔ 

پانچواں قافلہ : شیخوپورہ  سے بسوں میں   ضلعی کوارڈینٹر رانا محمد اشرف خان اور صدر پنشنرز چودھری محمد الیاس کمبوہ ضلع شیخوپورہ کی قیادت میں اسلام آباد  پہنچے گا ۔

اسلام آباد سے 4 سے 5 گھنٹوں کی مسافت پر رہنے والے پنشنرز قافلوں کی صورت میں ھائیڈ پارک پہنچنے کے لئے 31 مئی کی صبح ۔تمام پنشنر تنظیموں کے عہدیداران بسوں اور ٹرین پر راولپنڈی پہنچ رہے ہیں ۔
جناب ڈاکٹر صغیرعالم سیاب عباسی ۔ اپنی تنظیم کے تمام ممبران کے ساتھ 31 مئی کے دھرنے میں شامل ہو رہے ہیں ۔ 

میں بطور سیکریٹری جنرل ۔ اُن تمام میڈیا کوارڈینیٹرز  کا شکریہ ادا کرتا ہوں ، جن میں سر فہرست :

جناب یعقوب گُل چیف میڈیا کوآرڈینیٹر  آڈیٹر ایسوسی ایشن پاکستان ۔

-   جناب شیخ محمد علیم سینئر آڈیٹر ۔ پاکستان پنشنرز بینیفٹ گروپ

اور دیگر پنشنرز دوست جنہوں نے اپنی پوسٹ سے پنشنروں کے دل میں اپنا حق مانگنے کی امنگ جگائی اور اُنہیں احساس دلایا کہ اگر پنشنرز اپنے آرام دہ بستروں سے نکلیں اور اسلام آباد پہنچیں اور حکومت سے اپنا حق مانگیں۔
غرض کہ پنشنرز کا ایک سیلاب ہے جو حکومت کےپنشنرز مخالف  دیواروں
٭- پنشنرز پاکستان کی معیشت پر ایک بوجھ ہیں ۔
٭-پنشن کو ختم کردیا جائے ۔
٭ -خزانے  سےنہ لی گئی  74 سالہ پنشن کو غبن کر لیا جائے۔

٭۔ پنشنرز کی لی جانے والی پنشن پر بھی ٹیکس لگایا جائے۔

٭۔پراوی ڈنٹ فنڈ ہضم کر لو ۔

٭- گروپ انشورنس کی رقم خرد برد کر لو ۔

٭- بناولنٹ فنڈ بغیر ڈکار کے پی جاؤ ۔ 

کو ہمیشہ کے لئے نیست و نابود کرنے کے لئے بڑھا چلا آرہا ہے ۔

 

آ ل پاکستان پنشنرز ایسوسی ایشن ۔ سنٹرل ایگزیکٹو کونسل کےممبران کی انتھک  کوششوں سے پنشنر تنظیموں کے اتحاد کی فضاء 31 مئی کو پاکستان کے پنشنرز اور گلوبل ورلڈ  میں بسنے والے   پنشنرز دیکھیں گے ۔

اللہ ہم سب کا حامی و ناصر ہو والسلام ۔
سیکریٹری جنرل ۔ میجر (ر) محمد نعیم الدین خالد

٭٭٭٭٭٭٭٭٭٭٭٭

٭٭٭٭٭٭٭٭٭٭٭

مزید پڑھیئے :

  ٭۔ایک پنشنر کے سوالات کے حل کا، دوسرا راستہ

٭۔ پاکستان کی ترقی میں ریٹائر ہونے والی سپاہوں کا کردار

   ٭۔  31مئی پاکستان کے تمام پنشنرز کا دن

 ٭٭٭٭واپس ٭٭٭ ٭

 

 

31 مئی پاکستان کے تمام پنشنرز کا دن

 وفاقی بجٹ 2021/2022 میں پنشنرز کے لئے کوئی اضافی رقم نہیں رکھی گئی ۔ 

نیز ایک سیاست دان کی طرف سے مالیاتی بِل میں سب پنشنرز پر 10 فیصد ٹیکس لگانے کی تجویز نے وفاقی گورنمنٹ اور صوبائی گورنمنٹ کے ملازمین بشمول ڈیفنس فورسز و سول آرمڈ فورسز اور دیگر ریٹائرڈ ملازمین جو پنشن لیتے ہیں میں خوف و ھراس کی لہر دوڑا دی ہے ۔

 کم تنخواہ یافتہ ملازمین بشمو ل تمام پنشرز پہلے ہی مہنگائی کے بوجھ تلے دبے ہوئے ہیں اُن کا بلبلا اُٹھنا بلا سبب نہیں ۔ 18 ویں ترمیم کے مطابق اگر وفاقی حکومت نے اپنے ریٹائرڈ فیڈرل ملازمین کے پنشن میں اضافہ بجٹ 2021/2022 میں نہیں کیا تو صوبائی حکومتیں، اِس کی آڑ میں اپنے بجٹ میں پنشز میں اضافہ نہیں کریں گی ۔ 

لہذا صوبائی ملازمین اپنے دھرنوں اور ہڑتالوں سے پنشن میں اضافے کے خواب دیکھنا چھوڑ دیں۔

 چنانچہ اسلام آباد میں رہائش پذیر فیڈرل گورنمنٹ اور صوبائی گورنمنٹ کے تمام ریٹائرڈ ایمپلائز کو ،30 مئی کو اسلام آباد میں دھرنا دینا ہوگا !

 جس کے لئے متفقہ رائے سے اتوار 30 مئی کی تاریخ رکھی گئی ہے ۔

 اتوار اِس لئے کہ بوڑھے پنشنر نہیں چاہتے کہ اُن کے احتجاج اور درھرنے سے اسلام آباد کے رہائشیوں کو پریشانی ہو اور نہ ہی وہ حکومت کو آزمائش میں ڈالنا چاھتے ہیں ۔

وہ تو بس یہی چاہتے ہیں کہ حکومت وفاقی ملازمین کی تنخواہوں میں 25 فیصد اضافے کی طرح اُن کی پنشن میں بھی 25 فیصداضافہ کردے ۔

لیکن بعد میں اتوار کے بجائے سوموار 31 مئی یعنی ورکنگ ڈے میں  احتجا ہونا  قرار پایا  ۔

 

تو مجھے یہ بتایا جائے کہ پنشزز کا اپنے حق کے لئے آواز بلند کرنا غیر قانونی کیسے ہو سکتا ہے ؟ 

محمدﷺ نے بھی تو اللہ کا حکم بتایا ہے ۔

 لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَن ظُلِمَ ۚ وَكَانَ اللَّهُ سَمِيعًا عَلِيمًا - سورۃ النساء48

اللہ، برائی کے ساتھ کہے جانے والے بلند اقوال سے محبت نہیں کرتا ۔ سوائے اِس کے جس پر ظلم ہو ۔ اور اللہ تو سمیع اور علیم ہے۔

 اسلام آباد کی حدود کے 4 گھنٹوں کی مسافت پر رہنے والے جفاکش بوڑھے پنشنرز جو تبلیغ کے سلسلے میں 40 روز اپنے گھروں سے دور رہتے ہیں ، اُنہوں نے پہنچنے کا عندیہ دے دیا ہے ۔

 دھرنا طویل ہونے کی صورت میں اسلام آباد کے صاحب ثروت پنشنرز نے اُن کی میزبانی کے لئے پنشنرز تنظیموں کے عہدیداران سے انتظامات کے سلسلے میں رابطے کر لئے ہیں ۔ اسلام آبادآنے والے نیشنل پریس کلب ایف 6 ون کے سامنے ہائیڈ پارک میں جمع ہوں گے ۔

جہاں تمام پنشنرز کے سربراہ اور دیگر غیر سیاسی ، مگر فلاحی عمائدین پنشنرز کی تکا لیف اور اُن سے ملازمت اور ملازمت کے دوران کئے گئے حکومتی وعدوں اور اُن کی خلاف ورزی کو اجاگر کرنے کے لئے تقاریر کریں گے - ہمیں یقین ہے کہ پے اینڈ پنشن کمیٹی کی سفارشات جس میں پنشن کے اضافے کا نوٹیفکیشن شامل کروانے کا وعدہ کریں گے -

 یوں ہمارے پروگرام کے مطابق یہ دھرنا انشاء اللہ مغرب تک ختم ہوجائے گا وگرنہ دھرنے والے سہ روزہ اور ہفت روزہ حکومت کو تبلیغ کرنے کا پروگرام بنالیں گے ۔

 پنشنرز کو معلوم ہے کہ اُن کی یہ کوشش 25 فیصد پنشن بڑھوانے کے لئے آخری کوشش ہو گی ورنہ 6 جون کو ڈرافٹ بجٹ تیار ہونے کے بعد وہ آئیندہ ساری عمر روتے رہیں گے تاوقتِ کہ کوئی پنشنر ہمدرد حکومت زمامِ اقتدار نہیں سنبھال لیتی ۔ 

لیکن آل پاکستان پنشنرز ایسوسی ایشن کے تمام عہدیداران اور پنشنرز یہ امید کرتے ہیں کہ ریاستِ مدینہ کے اصولوں پر نئے پاکستا ن میں قائم ہونے والی حکومت بجٹ 2021/2022 میں پنشنرز کی اشک سوئی کرتے ہوئے ۔ پنشن میں اضافے کا اعلان کرے گی 

٭٭٭٭٭٭٭٭٭٭٭

اگلا مضمون پڑھنے کے لئے :۔

 ٭٭٭٭واپس ٭٭٭ ٭