ٹینڈم پیرا گلائیڈنگ

ٹینڈم پیرا گلائیڈنگ ، میں پائلٹ اور مسافر ہوتا ہے ، جو پائلٹ کے ساتھ ، گلائیڈنگ کا لطف اٹھاتا ہے ، یہ 12 سال سے کم عمر بچوں اور اُن مردو وخواتین کو کرایا جاتا جو پہلی بار جھجک محسوس کرتے ہیں موٹرائزڈ یا ونچ پیرا گلائیڈنگ میں نئے گلائیڈر کو ٹینڈم پیرا گلائیڈنگ کروائی جاتی ہے ۔

ٹینڈم پیرا گلائیڈنگ ، کم اونچائی سے فلائینگ ہو یا 2 ھزار فٹ کی بلندی سے ، اِس میں سوائے قدرتی خوف کے جو چند لوگوں میں پایا جاتا ہے اور میڈیکل ٹرمنالوجی میں ھائیٹ فوبیا کہلاتا ہے اور کسی خطرے کی بات نہیں ہوتی ۔

کم سے کم 50 کلوگرام سے 300 کلو گرام ، ٹیک آف ویٹ اٹھانے کے لئے بنائے جاتے ہیں ۔ لہذا 50 کلوگرام سے کم وزن والے گلائیڈر کو سولو ( تنہا) فلائینگ نہیں کروائی جاسکتی ۔ کیوں کہہ اُس کے لئے پیرا گلائیڈر کو کنٹرول کرنا مشکل ہو جاتا ہے ۔
نیز ، پاور گلائیڈر کے لئے نہایت اعلیٰ مہارت کی ضرورت ہوتی ہے ، جس میں پیرا گلائیڈر کو ، گراونڈ پر کئی مشقیں کروانے کے بعد سولو کی اجازت دی جاتی ہیں ، 

کیوں کہ پیرا گلائیڈنگ ایک ایسا شوق ہے ۔ جس میں انسانی حفاظت کا 100 فیصد خیال رکھا جاتا ہے ۔

ونچ پیرا گلائیڈنگ میں جتنی لمبی کھینچنے والی رسی ہو گی ، پیراگلائیڈر اتنی بلندی تک جاسکتا ہے - جو 3 ہزار فٹ یا اِس سے زیادہ ہو سکتی ہے ۔

 

 

جہاز کے ذریعے بلندی سے ، ٹینڈم پیرا سکائی ڈائیونگ بھی،  یورپی ممالک میں بہت مقبول ہے ۔ 

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

٭                                                 -        پیرا گلائیڈنگ کیا ہے ؟
 ٭                                                 -       پیرا گلائیڈنگ ایک کھیل  
٭                                                 -     تھیوری ۔ پیرا گلائیڈر فلائیٹ ۔ 
 ٭                                                 -    پیرا گلائیڈر کنٹرولز
 ٭                                                 -  پیرا گلائیڈرز ۔ گراونڈ ٹریننگ 

 ٭                                                 -  بلندی سے پیرا گلائیڈنگ 

 ٭                                                 -  ٹینڈم پیرا گلائیڈنگ

٭                                                 -    پیرا گلائیڈنگ . سوالات

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

بلندی سے پیرا گلائیڈنگ

رفتار آہستہ کرنے کے لئے ، " ھاف بریک لگائیں

گراونڈ ٹریننگ کے بعد ، تھوڑی اونچائی سے فلائینگ کروائی جاتی ہے ، تاکہ پیرا گلائیڈر کے دل میں اگر کوئی خوف ہے تو وہ نکل جائے ، یہ بلندی 50 سے 100 فٹ تک ہوتی ہے ۔ اِس کے لئے پہاڑی یا بلند ٹیلے کا انتخاب کیا جاتا ہے ، کیوں کہ پہاڑی کی طرف آنے والی ہوا جو زمین اور پہاٹی کی بلندی کے درمیان آرہی ہوتی ہے وہ پہاڑی کی رکاوٹ کی وجہ سے دباؤ سے اوپر اُٹھتی ہے ۔ اور پیرا گلائیڈر کو ہوا میں تھام کر اونچا کرتی ہے ۔

 نچلی تصویر میں ایک لڑکی جس کا وزن 56 کلوگرام ہے ۔ جسے گروانڈ ٹریننگ کروا کر دوسرےے مرحلے میں پہلی دفعہ ٹیک آف کروایا جارہا ہے-
مدد گار اور انسٹرکٹر کی مدد سے اُسے مخالف سمت سے آنے والی ہوا کی طرف دوڑایا گیا اور تقریباً 15 میٹر کے بعد وہ ٹیک آف کر گئی ۔

اب نچلی والی تصویر میں لڑکا ہے جس کا وزن 75 کلوگرام ہے ۔ جو تقریبا 25 میٹر کے بعد ٹیک آف ہوا ، جس کی بنیادی وجہ ہوا کا کم ہو جانا ہے ۔ 

 سوال پیدا ہوتا ہے کہ کیا دونوں کے، ونگ ایک ہی نوعیت کے تھے ؟
وزن کے لحاظ سے لڑکی کا ونگ سمال سائز اور لڑکے کا ونگ میڈیم سائز کا تھا

اگر آپ اوپر والے چارٹ پر نظر ڈالیں تو ونگ کی بناوٹ کے بارے میں تفصیل دی گئی ہے ، 70 کلو گرام سے لے کر 140 کلوگرام تک کا وزن اٹھا کر یہ ونگ گلائیڈ کر سکتے ہیں ۔

اترتے وقت آپ کو کنٹرول سے دی جانے والی ہدایات پر عمل کرنا ہے ، کیوں کہ اُسے ہوا کی رفتار ، سمت معلوم ہوتی ہے نیز وہ آپ کو ایسی جگہ لینڈ کروانا چاہتا ہے جہاں آپ آسانی سے اتر سکیں اور اترتے وقت دوڑ سکیں ۔  
٭                                                 -   دائیں مُڑنے کے لئے ، " رائیٹ بریک لگائیں " 
٭                         - بائیں مُڑنے کے لئے ، " لیفٹ بریک لگائیں "
٭                         -  رفتار آہستہ کرنے کے لئے ، " ھاف بریک لگائیں
٭                                                 -  زمین پر اترتے وقت ، ونگ کو روکنے کے لئے ، " فل بریک لگائیں " ۔

ھاف بریک ونگ کی رفتار کم کرنے کے لئے لگائی جاتی ہے اور فُل بریک ، ونگ کو زمین سے چار فٹ اوپر روک کر زمین پر اترنے کے لئے ۔
یہ ذہن میں رہے ، کہ دونوں ھاتھوں کی کہنیاں، کندھوں کی تقریباً لائن میں رہیں ، اگر اِس سے نیچے آئے تو بریک ہینڈل جو ھاتھ میں پکڑا ہوتا ہے ، بریک لگانا شروع کر دیتا ہے -

جب پیرا گلائیڈر ، نیچے کی طرف جارہا ہوتا ہے تو اُس کی فلائیٹ ہموار اور تسلسل سے سامنے اور نیچے کی طرف آتی ہے
ھاف بریک لگانے سے ونگ کا پھیلاؤ کم ہو جاتا ہے اور سامنے جانے کی رفتار کم ہوجاتی ہے ، اِسی طرح نیچے اترنے کی رفتار ہلکی سی بڑھ جاتی ہے ۔

لیکن فُل بریک لگانے سے ، سامنے جانے کی رفتار ونگ کا پھیلاؤ مزید کم ہونے سے تقریباً ختم ہو جاتی ہے ، لیکن انرشیا برقرار رھتا ہے ، پیرا گلائیڈر آگے کی طرف جاتا ہے اور ونگ اُسے پیچھے کی طرف کھینچتا ہے ۔

یوں وہ آرام سے زمین پر اُتر جاتا ہے ۔

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

٭                                                 -        پیرا گلائیڈنگ کیا ہے ؟
 ٭                                                 -       پیرا گلائیڈنگ ایک کھیل  
٭                                                 -     تھیوری ۔ پیرا گلائیڈر فلائیٹ ۔ 
 ٭                                                 -    پیرا گلائیڈر کنٹرولز
 ٭                                                 -  پیرا گلائیڈرز ۔ گراونڈ ٹریننگ 

 ٭                                                 -  بلندی سے پیرا گلائیڈنگ 

 ٭                                                 -  ٹینڈم پیرا گلائیڈنگ

٭                                                 -    پیرا گلائیڈنگ . سوالات

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

پیرا گلائیڈرز ۔ گراونڈ ٹریننگ

پیرا گلائیڈنگ شروع کرنے سے پہلے چند اہم باتیں :

کسی بھی عام کھیل کی طرح پیرا گلائیڈنگ بھی ایک عام انفرادی کھیل ہے ۔ جس میں کسی مہارت ، فاضل قوت ، بے پناہ طاقت کی ضرورت نہیں ۔
ایک پیرا گلائیڈر ، سب سے پہلے نو آموز ہوتا ہے ، پھر وہ آہستہ آہستہ پیرا گلائیڈنگ میں مہارت کی طرف بڑھتا ہے ۔  جس طرح ہر کھیل کے بنیادی اصول آپ کو معلوم ہونا چاھئیں ، بلکل اُسی طرح اگر آپ نے یہ مضامین پڑھے ہیں تو آپ بنیادی معلومات حاصل کر چکے ہیں ۔اگر نہیں تو اِن پر ایک نظر ضرور ڈالیں ۔

٭                                                 -        پیرا گلائیڈنگ کیا ہے ؟
 ٭                                                 -       پیرا گلائیڈنگ ایک کھیل  
٭                                                 -     تھیوری ۔ پیرا گلائیڈر فلائیٹ ۔ 
 ٭                      -     پیرا گلائیڈر کنٹرولز

گراونڈ ٹریننگ کی افادیت سے انکار نہیں ، کیوں کہ اِس میں پیرا گلائیڈر کو ھارنس پہنا کر چلایا جاتا ہے ۔ تاکہ وہ وزن اور بندشوں سے مانوس ہو جائے ، وہ تھوڑا دوڑتا بھی ہے ، تاکہ اگر کوئی بندش (سٹریپ) زیادہ کھینچ کر باندھ دی گئی ہے تو اُسے ڈھیلا کر دیا جائے ۔
پھر ونگ کو ہوا میں اٹھا کر دوڑنے کی مشق کرائی جاتی ہے اور جب ونگ مکمل فضا میں بلند ہو جاتا ہے۔

تو ھاف بریک اور فُل بریک کی پریکٹس کروائی جاتی ہے ۔

ھاف بریک ونگ کی رفتار کم کرنے کے لئے لگائی جاتی ہے اور فُل بریک ، ونگ کو زمین سے چار فٹ اوپر روک کر زمین پر اترنے کے لئے ۔
یہ ذہن میں رہے ، کہ دونوں ھاتھ کندھوں کی تقریباً لائن میں رہیں ، اگر اِس سے نیچے آئے تو بریک ہینڈل جو ھاتھ میں پکڑا ہوتا ہے ، بریک لگانا شروع کر دیتا ہے -

جب پیرا گلائیڈر ، نیچے کی طرف جارہا ہوتا ہے تو اُس کی فلائیٹ ہموار اور تسلسل سے سامنے اور نیچے کی طرف آتی ہے
ھاف بریک لگانے سے ونگ کا پھیلاؤ کم ہو جاتا ہے اور سامنے جانے کی رفتار کم ہوجاتی ہے ، اِسی طرح نیچے اترنے کی رفتار ہلکی سی بڑھ جاتی ہے ۔ 

لیکن فُل بریک لگانے سے ، سامنے جانے کی رفتار ونگ کا پھیلاؤ مزید کم ہونے سے تقریباً ختم ہو جاتی ہے ، لیکن انرشیا برقرار رھتا ہے ، پیرا گلائیڈر آگے کی طرف جاتا ہے اور ونگ اُسے پیچھے کی طرف کھینچتا ہے ۔

یوں وہ آرام سے زمین پر اُتر جاتا ہے ۔

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

٭                                                 -        پیرا گلائیڈنگ کیا ہے ؟
 ٭                                                 -       پیرا گلائیڈنگ ایک کھیل  
٭                                                 -     تھیوری ۔ پیرا گلائیڈر فلائیٹ ۔ 
 ٭                                                 -    پیرا گلائیڈر کنٹرولز
 ٭                                                 -  پیرا گلائیڈرز ۔ گراونڈ ٹریننگ 

 ٭                                                 -  بلندی سے پیرا گلائیڈنگ 

 ٭                                                 -  ٹینڈم پیرا گلائیڈنگ

٭                                                 -    پیرا گلائیڈنگ . سوالات

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

پیرا گلائیڈر کنٹرولز

پیرا ونگ کو ہوا میں کنٹرول کرنے کے لئے اور اسے اپنی مرضی سے دائیں بائیں موڑنے ، رفتار کم کرنے ، اوپر کی طرف اٗٹھانے ، نیچے اتارنے اور تیز ہوا میں قابو کرنے کے لئے کنٹرول لگے ہوتے ہیں جنھیں رائزرز اور بریک کہتے ہیں ۔ جن پر ونگ سے نکلنے والی رسیاں آ کر ملتی ہیں ۔ یہ پانچ مختلف رنگوں کی رسیاں ہوتی ہیں ۔ جن کا ونگ سے رابطہ تصویر1 میں دکھایا گیا ہے ۔

 دراصل رائزر ہی پوری گلائیڈر کو فلائیٹ میں کنٹرول کرتے ہیں ۔
 
پیرا ونگ کے ایرو ڈائینامک سنٹر کے نیچے ایک سنٹری فیوگل مرکز بنتا ہے ۔
جہاں پائیلٹ کے دونوں کندھوں پر دائیں اور بائیں طرف رائزر ھارنیس کے ساتھ جوڑے جاتے ہیں ، جو سیٹ سے منسلک ہوتا ہے ۔
سیٹ پائلٹ کے آرام سے بیٹھنے کے لئے مخلتف ڈیزائن میں تیار کی جاتی ہے .

 گویا مکمل پیرا گلائڈر دو حصوں پر مشتمل ہوتا ہے ، ونگ ( کینوپی) اور ھارنیس ۔

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

٭                                                 -        پیرا گلائیڈنگ کیا ہے ؟
 ٭                                                 -       پیرا گلائیڈنگ ایک کھیل  
٭                                                 -     تھیوری ۔ پیرا گلائیڈر فلائیٹ ۔ 
 ٭                                                 -    پیرا گلائیڈر کنٹرولز
 ٭                                                 -  پیرا گلائیڈرز ۔ گراونڈ ٹریننگ 

 ٭                                                 -  بلندی سے پیرا گلائیڈنگ 

٭                                                 -    پیرا گلائیڈنگ . سوالات

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

تھیوری ۔ پیرا گلائیڈر فلائیٹ

کبھی پتنگ اُڑائی ہے آپ نے؟
یقیناً اُڑائی ہو گی ۔ 

پیرا گلائیڈر کا ونگ بالکل پتنگ کے اصول پر کام کرتا ہے ، بس اسے پتنگ سے مختلف بنایا جاتا ہے ۔

اگر ہم اِس تصویر کو دیکھیں تو ونگ بہت سے سیلز کا مجموعہ نظر آئے ، ونگ دو پیرا کلاتھ پر مشتمل ہوتا ہے ، ایک اوپر کا حصہ اور دوسرا نیچے کا حصہ ، دونوں کودرمیان سے اِس طرح جوڑا جاتا ہے کہ ، کئی سیلز بن جاتے ہیں ، سامنے سے یہ سیلز کھلے ہوتے ہیں اور پیچھے سے یہ بند ہوتے ہیں ۔
 جب ان سیلز میں ہوا داخل ہوتی ہے تو یہ تن جاتے ہیں اور ونگ پھیل کر اپنا گھیراؤ بڑھا دیتا ہے ۔
ونگ کا یہ گھیراؤ ، اُسے فضاء میں اٹھنے اور مختلف ڈوریوں سے ، عین اُس کے نیچے ( سنٹری فیوگل سنٹر) لٹکے ہوئے وزن کو سہارا دیتا ہے ۔ جسے وہ اپنے ساتھ لے کر آہستہ آہستہ زمین پر اتر آتا ہے ۔
ونگ کو پھیلاؤ کیوں دیا جاتا ہے ؟
جیسا کہ اِس تصویر سے ظاہر ہے ، ونگ کے پھیلاؤ سے اُڑان کی مختلف کیفیات ، قدرت نے خود مقرر کی ہیں ۔


 گلائیڈنگ میں پانی کے شکاری پرندے فضا میں اوپر جاتے ہیں فضا میں ایک خاص اونچائی پر پروں کی لمبائی کی وجہ سے معلق رہنے کی کوشش کرتے ہوئے ، چکر کاٹتے ہوئے ، اپنی بلندی کم کرتے رہتے ہیں  اور وہاں سے اپنے شکار کو گلائیڈنگ کرتے ہوئے ڈھونڈتے ہیں اور تیزی سے نیچے آتے ہیں اور کرتب دکھانے کے انداز میں لہراتے ہوئے، پانی میں غوطہ مار کر شکار کو پکڑ لیتے ہیں ۔ 
جبکہ سورنگ کرنے والے شکاری پرندے گلائیڈنگ اور سورنگ دونوں کرتے ہیں ۔ اُن کے پروں کا پھیلاؤ اور لمبائی کی وجہ سے فضا میں اپنے پر پھیلا کر گلائیڈنگ کرتے ہیں اور گرم ہوا ملنے پر سورنگ کرتا ہوا اوپر جاتے رہتے ہیں ، کیوں کہ یہ پرندے اپنے شکار کر زمین پر حملہ آور ہوتے ہیں ، لہذا سمندری پرندوں کے مقابلے میں انہیں زمین پر ٹکراؤ سے بچنے کے لئے ، نہایت شدید قسم کی بریک لگانی پڑتی ہے ۔ جس میں اُن کے چوڑے پر مدد کرتے ہیں ۔ 

 پیرا گلائیڈر ونگ بھی اسی ٹیکنیک پر بنائے جاتے ہیں، جس کی وجہ سے اُن کی اُڑان محفوظ اور ہموار ہو جاتی ہے ۔  یاد رہے ، کہ جب ہم پتنگ کو کھینچتے ہیں تو وہ اوپر جاتی ہے کیوں کہ اُس سے ٹکرانے والی ہوا اُسے اوپر اُٹھاتی ہے ۔ ونگ کو اوپر اٹھانے کے لئے ہم اُس کو کا اینگل اُن رسیوں کی مدد سے تبدیل کرتے ہیں جو اُس سے ساتھ لگی ہوتی ہیں ۔ جس سے ونگ ، اوپر ، نیچے یا ہموار فلائیٹ کی پوزیشن میں ہو جاتا ہے ۔
 

ہوا میں اُڑ کر حفاظت سے زمین پر اترنا ہی دراصل کسی بھی فضائی کھیل کی پسندیدگی کو بڑھاتا ہے ، کیوں کہ ہر انسان خطروں سے نہیں کھیلتا ، وہ یقین کرتا ہے ، کہ وہ اِس کھیل میں ہر طرح محفوظ ہے ۔ جب وہ ہمت پاتا ہے کہ وہ اُس کھیل میں دوسروں کی طرح حصہ لے ۔ وگرنہ وہ اس کھیل کو بھاری پتھر سمجھ کر چھوڑ دیتا ہے ۔
یوں سمجھیئے کی ایک سائیکل سیکھنے والا بچہ کبھی بازار یا مصروف سڑک پر سائیکل نہیں چلائے گا ۔
سب سے پہلے وہ ایسی جگہ سائیکل چلائے گا جہاں اُسے گر کر چوٹ لگنے کا خطرہ نہ ہو ۔ وہ کسی دوسرے کو نقصان پہنچانے کا باعث نہ بنے ۔ جب وہ مہارت حاصل کرتا ہے تو پھر وہ آگے بڑھتا ہے ، کم مصروف سڑک پر جاتا ہے اور پھر وہ پر ہجوم شہر میں آرام سے سائیکل چلا لیتا ہے ۔ جو بچے جی دار قسم کے ہوتے ہیں اور سنسنی خیزی چاہتے ہیں وہ ون وہیلنگ کا دیگر کرتب سیکھنے کی مشق کرتےے ہیں ۔ لیکن اِن کاموں کے کرنے سے پہلے انہیں اپنی سائیکل پر پورا عبور حاصل کرنا پڑتا ہے ، جس میں مہارت حاصل کئے بغیر وہ چوٹوں سے نہیں بچ سکتے ۔ 

پیرا گلائیڈنگ بھی ایسا ہی کھیل ہے ۔ جس میں سیکھنے اور مشق کرنے سے پہلے تیزی اور کرتب کی طرف جانا، سائیکل کے حادثے سے زیادہ خطرناک ثابت ہوتی ہے ۔
بلکہ کوئی بھی کھیل جس میں کسی دوسری چیز کا سہارا لیا جائے ۔ وہ اُس وقت تک آپ کی دوست نہیں بنتی جب تک آپ اُس کے متعلق معلومات اور اُس کے مختلف حالات میں مختلف برتاؤ سے آگاہ نہ ہوں ۔
پیرا گلائیڈنگ میں بھی ، آپ کو کم از کم معلومات درکار ہوتی ہیں ، وہ :۔ ٭                                                 -         پیرا گلائیڈر کے متعلق معلومات - 
٭                                                 -       پیرا گلائیڈر کنٹرول کیسے ہوتا ہے ۔

٭                                                 -       پیرا گلائیڈر فضاء میں اُڑنے کے بعد کیا برتاؤ کرتا ہے ۔ 
 ٭                                                 -       مجھے پیرا گلائیڈنگ سے پہلے کیا حفاظتی تدابیر کرنا چاھئیں

 ٭                                                 -       میں حفاظت سے کیسے زمین پر اتر سکتا/ سکتی ہوں 

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

٭                                                 -        پیرا گلائیڈنگ کیا ہے ؟
 ٭                                                 -       پیرا گلائیڈنگ ایک کھیل  
٭                                                 -     تھیوری ۔ پیرا گلائیڈر فلائیٹ ۔ 
 ٭                                                 -    پیرا گلائیڈر کنٹرولز
 ٭                                                 -  پیرا گلائیڈرز ۔ گراونڈ ٹریننگ 

 ٭                                                 -  بلندی سے پیرا گلائیڈنگ 

٭                                                 -    پیرا گلائیڈنگ . سوالات

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

گلائیڈنگ : ایک کھیل

کیا آپ نے گدھ کو اُڑتے دیکھا ہے ؟

کس طرح وہ دوڑ کر اپنا وزنی جسم فضا میں بلند کرتا ہے اور پھر آسانی سے اُڑ کر فضاء میں بلند ہو جاتا ہے ۔ اپنے پروں کی طاقت (انجن) سے وہ ہوا  میں بلند ہوتا ہے اور ہوا کے سہارے پر اپنے ساکن پروں (ونگ) کی مدد سے تیرتا ہے ۔ اُس وقت اُس پر اصولِ حرکت و اصول اُڑان کے باعث چار طاقتیں عمل کرتی ہیں ۔

جہاز میں فضاء میں جاکر پیرا شوٹ سے چھلانگ لگانے والوں پربھی انہی طاقتوں کا مجموعہ اثر کرتا ہے ۔
1۔  کششِ ثقل ۔ زمین کی طرف کھینچنے کی قوت . Gravitational Pull
2۔  ہوا کی اوپر کی طرف اٹھان ۔ Lift
3۔  ہوا کی مزاحمت . Drag
4 ۔ دھکہ ۔ Push or Thrust۔

پیرا شوٹ سے چھلانگ لگانے والوں کا مقصد زمین پر ایک خاص مقام پر اترنا ہوتا ہے ۔ جو چھلانگ لگانے کے ایک کلو میٹر کے دائرے تک محدود ہوتا ہے ، لیکن اگر ہو تیز ہو تو یہ دو کلو میٹر تک بھی پھیل سکتا ہے ۔
دوسری جنگِ عظیم میں فوجیوں کا دشمن کے علاقوں میں پیرا شوٹ سے اترنے کے کئی آپریشن ہوئے اور پیرا شوٹ میں بھی جدت پیدا کی گئی ، فوجی سامان کو نیچے دشمن کی صفوں کے پیچھے گرانے کے لئے سادہ پیرا شوٹ ہی رہے ، لیکن فوجیوں کو اپنی مرضی کی جگہ پر اترنے کے لئے ، پیرا شوٹ میں کئی تبدیلیاں کی گئیں اور بالآخر ایسا پیرا شوٹ بنایا گیا ، کہ جس کی بدولت ، ھدف سے پیچھے اتارے گئے فوجی ، ہوا کے دوش پر پیرا گلائیڈنگ کرتے اپنے ھدف کے تیس میٹر سے بھی کم علاقے میں اترنے لگے ۔

 فوجیوں میں ھدف کے نزدیک تر اترنے کے مقابلے ہونے لگے اور اُن میں ایسے ایسے ماہر پیدا ہوئے ، جس پیرا شوٹ کو اپنی مرضی سے کنٹرول کرتے ہوئے ، زمین پر رکھی میز پر اترنے لگے ، یوں پیرا شوٹ سے گلائیڈنگ کرتے اترنا ۔ ایک کھیل کی صورت اختیار کر گیا ۔ جس میں یورپی تو کیا پاکستانی خواتین بھی پیچھے نہیں رہیں ۔

پاور انجن کے ساتھ فضا میں اُڑنا بھی انسانی ہمت ، بے خوفی کی بدولت سنسنی تجربے کا حصول بن گیا ۔ اور انسان فضا کی بلندیوں میں تنہا پرندوں کی طرح سیر کرنے لگا ۔

 موٹر بوٹ سے فضاء  پیرا سیل ،ایک تفریح کا ذریعہ بن چکا ہے ۔

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭

٭                                                 -        پیرا گلائیڈنگ کیا ہے ؟
 ٭                                                 -       پیرا گلائیڈنگ ایک کھیل  
٭                                                 -     تھیوری ۔ پیرا گلائیڈر فلائیٹ ۔ 
 ٭                                                 -    پیرا گلائیڈر کنٹرولز
 ٭                                                 -  پیرا گلائیڈرز ۔ گراونڈ ٹریننگ 

 ٭                                                 -  بلندی سے پیرا گلائیڈنگ 

٭                                                 -    پیرا گلائیڈنگ . سوالات

٭    ٭ ٭ ٭ ٭ ٭ ٭ ٭ ٭ ٭  ٭ ٭ ٭ ٭ ٭ ٭٭ ٭٭ ٭ ٭ ٭ ٭  ٭ ٭٭٭٭  ٭