بوڑھے کے پنشنرز میں شامل ہونے کا 20 واں سال

   30 نومبر 2021 بوڑھے کا یادگار دن ، پنشنر بننے کی 20 ویں سالگرہ اور قومی اسمبلی کے سامنے ، پنشنرز اور ملازمین کے احتجاج میں قیادت ۔

اپنے لئے نہیں پاکستان کے تمام 1 تا گریڈ 14 کے پنشنرز کے لئے ، جن کا مہنگائی کے اِس دور میں گذارہ مشکل سے ہوتا ہے ۔
حکومت پاکستان کو چاھئیے کہ مہنگائی سلیب (انڈکسشن ) برائے فیڈرل و صوبائی ریٹائرڈ ملازمین اِس طرح مقرر کرے ۔ کہ کم از کم پنشن نئے بھرتی/ملازم ہونے والے گریڈ 1 کے برابر ہوجائے ۔ اور ہر سال مہنگائی کے تناسب سے ، ملازمین کی ہر سال بجٹ میں مہنگائی کی وجہ سے بڑھنے والی تنخواہ میں اضافے کا 50٪ کے برابر پنشن میں اضافہ کیا جائے۔
آج جب میں نے سٹیج سے ملازمین کو مخاطب کرتے ہوئے پوچھا ، کہ آپ یہاں اِس لئے جمع ہوئے ہو کہ آپ کا گذارہ نہیں ہو رہا ، لہذا حکومت 10 فروری 2021 کو ملازمین سے کئے گئے ، وزراء کے تحریری معاہدے پر عمل کرے ۔
اگر آپ آج ریٹائر ہوجائیں تو کیا آپ کا گذارہ ہوجائے گا ؟
سب کا جواب تھا نہیں ۔
میں نے کہا کہ آپ نے 60 سال کی عمر پر پہنچ کر لازمی ریٹائر ہونا ہے ۔ آپ پنشنرز کی آواز نہ بنیں ۔ بلکہ اپنی آواز خود بنیں ، کہ ریٹائرمنٹ کے بعد آپ کو مہنگائی کے جن سے لڑنے کے لئے ، خود اپنے حاضر سروس ملازمین اور اپنے منتخب کئے وزراء سے احتجاج نہ کرنا پڑے ۔
اور زندہ رہنے کے لئے روٹی کپڑا اور مکان میسر ہو ۔

تو پھر آپ 10 فروری 2022 کو اپنے احتجاج کی سالگرہ ، اِس شان سے منائیں ، کہ سڑکیں اور جیلیں بھر دیں ۔تاکہ حکومتِ وقت آپ کی آواز پر آپ کی ڈیمانڈ کے مطابق تحریری فیصلہ دینے پر مجبور ہوجائے ۔  

٭٭٭٭٭٭٭٭

 

6آپ کا جو فعل میں نے دیکھا

آپ کا جو فعل میں نے دیکھا، اُس پر میں نے بھی ہوبہو عمل کیا ۔

       ٭٭٭٭٭٭٭٭٭٭٭٭٭٭٭

 ہمارا دایاں دماغ اِس کی پوری لطافت سے محظوظ ہوتا ہے اور ہمارا بایاں دماغ اِس کے ہر زاویے  ، فاصلے اور حجم پرحیرت زدہ ہوتا ہے ۔ اِن دونوں دماغوں کے درمیان یہ اپنی پوری بناوٹ اور سجاوٹ سے تصاویر کی صورت  میں  مزین ہوتی ہے ۔

ایک چھوٹا سا پتنگا  لیڈی برڈ ہمارے دماغ  میں    ہپّو  کیمپس Hippocampus)  میں اپنی ، جسامت ، رنگوں اور اُڑان کی وڈیو  بنواتے گذر جاتا ہے ۔ پیدائش سے  وفات تک ہمارے دماغ میں  پانچوں حواس سے ملنے والی معلومات کی ریکارڈنگ موجود ہوتی ہے۔ایک اندازے کے مطابق ہپّو کیمپس میں اِس  ریکارڈنگ  ایک ہزار ٹیربائیٹ یا دس لاکھ گیگا بائیٹ ہوتی ہے جو 30 لاکھ گھنٹوں کی وڈیو پر مشتمل ہوتی ہے ۔یہ مختلف لنکس کے ساتھ جڑی ہوتی ہے ۔ سکول کے دوست ملے۔ ایک دوست جوپانچویں کلاس میں کسی دوسرے سکول میں چلا گیا تھا ۔اُس کے ملتے ہی اُس کے ساتھ گذارے ہوئے وقت کی وڈیوتحت الشعور سے نکل کر شعور میں آجائے گی ۔

کہتے ہیں کہ ایک تصویر ہزار الفاظ بول سکتی ہے۔ لیکن یہ تصویر کی نہیں انسانی آنکھ کی خوبی کا بیان ہے جو خارجی دنیا کو سمجھنے اور جاننے کا سب سے بڑا ذریعہ ہیں۔ تاہم آنکھوں سے جو علم حاصل ہوتا ہے اس میں کئی محدودیتیں بھی ہوتی ہیں۔ مثلاً انسانی آنکھ اپنے سامنے موجود منظر کا مکمل طور پر احاطہ کرنے کی صلاحیت رکھتی ہے۔ لیکن انسانی ذہن گہرے طور پر اور جزئیات میں جا کر صرف عین نظر کے سامنے والی چیز جس پر انسان کا فوکس ہوتا ہے، اسی کو سمجھتا ہے۔ باقی چیزیں نظر آنے کے باجود انسان دیکھ نہیں پاتا۔

اس بات کو ٹی وی سے باآسانی سمجھا جاسکتا ہے۔ کسی نیوز چینل پر چلتی ہوئی خبروں کی پٹی کو پڑھنا شروع کر دیں۔ یہ کرتے وقت آپ کی نظر میں ٹی وی اسکرین بلکہ ارد گرد کی دیوار یا الماری بھی ہوگی۔ مگر خبروں کی پٹی کو پڑھتے وقت آپ کو یہ اندازہ کرنا بھی مشکل ہے کہ اس وقت اسکرین پر کیا مناظر بدل رہے تھے۔ ان مناظر کو دیکھنے کے لیے آپ کو نظروں کا فوکس ان کی طرف کرنا ہوگا۔ غرض آپ دنیا کے کسی بھی منظر پر نظر ڈالیں آپ کو بہت کچھ نظر آئے گا لیکن ذہن قبول صرف اسی کو کرتا ہے جسے نظریں گاڑھ کر پوری توجہ سے دیکھا جائے۔ یہیں سے ہماری زبانوں میں نقطہ نظر یا پوائنٹ آف ویو کے الفاظ داخل ہوئے ہیں۔ یعنی وہ فکر جو ہماری نگاہ کا مرکز ہو۔

لہذا ، آپ کا جو فعل میں نے دیکھا، اُس پر میں نے بھی ہوبہو عمل کیا ۔     

٭٭٭٭مزیدمضامین  پڑھنے کے لئے  فہرست پر واپس  جائیں ۔ شکریہ ٭٭٭٭