میرا رازق رعایت کر نمازاں رات دیاں کردے

فِکر دا سِجھ ابھردا اے ، سُچیندے شام تھی ویندی

خیالا  وچ سُکوں اے  کل، گولیندے شام تھی ویندی

 

اُنہاں دے بَا ل ساری رات روندے ہِن،بُھک تو سُمدے نئیں

جنہاں دے کہیندے بالاں کوں،  کھڈیندے  شام تھی ویندی

غریباں دی دُعا یارب ، خبر نئیں کِنج کریندا ایں

سدا ہنجواں دی تسبیح کوں، پھریندے شام تھی ویندی

 

کدہیں تاں دُکھ وی ٹَل ویسن ، کدہیں تا ںسکھ دے ساں ولسن

پُلا خالی خیالاں دے ، پکیندے شام تھی ویندی

میرا رازق رعایت کر، نمازاں رات دیاں کردے

جو روٹی رات دی پوری ،کریندے شام تھی ویندی

میں شاکر بُھک دا مارا آں ، مگر حاتم تو گھٹ کو نئیں

قلم خیرات ہے میری ، چلیندے شام تھی ویندی

شاکر شجاع ابادی
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

نوٹ : اچھی بھانجی ، رابعہ خرم درانی کا شکریہ ، جنہوں نے املا درست کروائی ، کل رات ، شاکر شجاع آبادی ، خود سناتے ہوئے وڈیو ، فیس بک پر ملی ، مجھے، اِس شعر نے بہت متاثر کیا

میرا رازق رعایت کر، نمازاں رات دیاں کردے

جو روٹی رات دی پوری ،کریندے شام تھی ویندی

 کیوں کہ ایک پوسٹ پر میں یہ کمنٹ کر چکا تھا ،
مسلمانوں کو پلِ صراط سے گذرنے کے لئے ، اِس دنیا میں رسے پر چلنے کی تربیت لازمی لینا چاہئیے ۔