آسٹرولارپ اور آر آئی آر کا فراڈی

 

پاکستان میں  مرغیوں کے شوقین کے ساتھ جیسا دھوکا کیا جاتا   وہ اتنا خاص نہیں تھا ۔ جتناامپورٹڈمرغیوں کے چوزوں میں اور خصوصا آن لائن خریداری میں بڑھ چکا ہے۔ ہوا یوں کہ بوڑھا لیپ ٹاپ پر اپنے دیگر کاموں سے بور ہو کر ، مرغیوں کی تصاویر دیکھ رہا تھا کہ پرانی تصاویر میں کالے چوزے دیکھ کر  برفی نے ضد کی کہ دادا بابا یہ چوزے لائیں ۔

آسٹرو لارپ نسل کے یہ چوزے بوڑھے نے اپنے انکیوبیٹر  میں 10 انڈوں سے ھیچ کروائے تھے ۔جن میں سے آٹھ چوزے نکلے مگر 3 مہینے میں یہ دو ہی بچے پھر13 مئی 2019 کو پہلا چوزہ جان سے گذرا اور ہفتے بعد دوسرا بھی ۔ لیکن ایک حیران کن بات کہ اپنے گھر کی مرغیوں کا رزلٹ سو فیصد رہا جونہی پسندیدہ مرغی انڈا دیتی بوڑھا 12 دن بعد کی تاریخ ڈال کر ھیچنگ مشین میں رکھ دیتا ۔  چم چم کی محلے میں موجود سہیلیاں ۔چوزوں کے انڈوں سے نکلنے کا انتظار کرتیں اور پھر  ماؤں کی ڈانٹ ڈپٹ کے باوجود چوزے لے جاتیں ۔

اب برفی کی فرمایش تو لازماً پوری کرنا تھی ۔ بوڑھا چونکہ پرندوں کے وٹس ایپ گروپ، مرغیوں اور خرگوش کے وٹس ایپ گروپ میں بھی تھا ،۔ کہ جس دن برفی نے فرمائش کی ۔ اُس سے اگلے دن ریبٹس گروپ پر ایک نوجوان راشد افضال ولد محمد افضال  سکنہ ہری پور ،  نے آسٹرو لارپ اور آر آئی آر چوزوں کے بچوں کا اشتہار ڈالا ۔

میں نے برفی سے پوچھا کتنے چوزے منگواؤں اُس نے کہا ، دادا بابا یہ سب منگوالیں ۔

خیر نوجوان سے 10 ، 10 چوزے بھیجنے کا کہا ، اُس نے انکار کر دیا کہ ہم 100 سے کم نہیں بھیجتے ۔ اگر آپ کو چاھئیں تو3800 روپے اِس اکاؤنٹ میں بھیج دیں ۔ میں اپنا شناختی کارڈ اور اکاؤنٹ نمبر بھجوارہا ہوں ۔

تو جناب میں نے اپنے الائیڈ بنک سے مبلغ 3800 روپے الائیڈ بنک اکاؤنٹ نمبر 3126301000002798 ایبٹ آباد  میں بھجوادئے ۔ اور چوزوں کا انتظار کیا 10 فروری کو موبائل نمبر پرفون کیا ، موبائل بند ۔ جنوں سے کہا کہ اِس شناختی کارڈ نمبر پر اگر اور کوئی موبئل ہے تو بتائیں ؟

یہ موبائل نمبر بھی بند ملے۔ اور برفی بوڑھے کے ساتھ 50 آسٹرو لارپ اور 50 آرآئی آر چوزوں کا انتظار کرتی رہی ۔

بڑھیا نے پوچھا کہ آپ کو 100 چوزے منگوانے کی کیا ضرورت تھی کیا مرغی خانہ کھولنا تھا ۔غضب خدا کا آپ کا بچپن ابھی تک نہیں گیا۔3800 روپے کے 100 چوزے ؟ یعنی 38 روپے کا ایک ، اُس کو کیا معلوم کہ اب آسٹرو لارپ کے چوزوں کا ریٹ 200 روپے فی چوزہ ہے ۔ 

اب بوڑھا کیا بتاتا کہ اُس نے کتنے بچوں کو اب بھی چوزے دئیے ہیں کہ وہ اِنہیں پالیں اور اپنی والدہ کے کچن کے لئے انڈوں کا بندوبست صبح ناشتے میں کریں ۔

پراجیکٹ عمران خان زندہ باد مرغیاں پالیں اور پاکستان کو خود کفیل بنائیں ،

٭٭٭٭فہرست چوزہ /مرغ بانی  ٭٭٭٭