اے جذبہ ءدل گر میں چاہوں ، ہر چیز مقابل آ جائے
منزل کے لیے دو گام چلوں ، اور سامنے منزل آ جائے
اے دل کی خلش چل یوں ہی سہی ، چلتا تو ہوں اُن کی محفل میں
اُس وقت مجھے چونکا دینا ، جب رنگ پہ محفل آ جائے
آتا ہے جو طوفان آ نے دو ، کشتی کا خُدا خود حافظ ہے
مشکل تو نہیں اِن موجوں میں، بہتا ہوا ساحل آ جائے
اِس عشق میں جاں کو کھونا ہے ، ماتم کرنا اور رونا ہے
اے راہبر ِکامل چلنے کو، تیار تو ہوں پر یاد رہے
اُس وقت مجھے بھٹکا دینا ، جب سامنے منزل آ جائے
ہاں یاد مجھے تم کر لینا ، آواز مجھے تم دے لینا
اس راہ ِمحبت میں کوئی ، درپیش جو مشکل آ جائے
اب کیا ڈھونڈوں گا چشم ِکرم، ہونے دے ستم بالائے ستم
منزل کے لیے دو گام چلوں ، اور سامنے منزل آ جائے
اُس وقت مجھے چونکا دینا ، جب رنگ پہ محفل آ جائے
مشکل تو نہیں اِن موجوں میں، بہتا ہوا ساحل آ جائے
اُس وقت مجھے بھٹکا دینا ، جب سامنے منزل آ جائے
اس راہ ِمحبت میں کوئی ، درپیش جو مشکل آ جائے
کوئی تبصرے نہیں:
ایک تبصرہ شائع کریں