سفرنامہ ۔ ترے سامنے آسماں اور بھی ہیں

 ہم گیری آفس سے باہر نکلے ، موبائل فون اور بیگ کار میں چھوڑے تھے ، موبائل فون اٹھایا  چم چم کی ماما کی 10مس کال آچکی تھیں ۔

کال ملائی ، اُس کی اشتیاق بھر آواز سنائی دی 

" پپا ۔ اب آپ فوراً جا کر شام کی سیٹیں بُک کروائیں "

" ڈولی بیٹا ، ویزے نہیں لگے " میں نے کہا 

" پپا آپ مذاق مت کریں ۔ بس فورا رات کی فلائیٹ سے سیٹیں بُک کروائیں " وہ بولی  " اور کل شام تک یہاں ہونے میں ساری فوڈ شاپنگ کر لی ہے "
" ڈولی سنو تو " میں نے کہا ۔
" پپا مذاق مت کریں ، آپ کو معلوم نہیں میں عالی سے ملنے کے لئے کتنا تڑپ رہی ہوں "

" بیٹے میں سچ کہہ رہا ہوں ویزے نہیں لگے  ، لو عالی سے بات کرو " 

 میں نے یہ کہتے ہوئے فون عالی کی طرف بڑھایا ، پھر اُس کی آنکھوں میں جھلملاتے موتی دیکھ کر فون بڑھیا کی طرف بڑھا دیا ۔

بیٹا گاڑی چلا رہا تھا ۔ چم چم  گاڑی سے گذرتے ہوئے مناظر چپ چاپ دیکھ رہی تھی۔

 

" ڈولی تمھارے پپا سچ کہہ رہے ہیں ، واقعی ویزے نہیں لگے " بڑھیا نے کہا  اور فون  عالی کو دے دیا ۔

چم چم نے پوری توجہ سے ماں کی بات سنی اور بہادری کا مظاہرہ کرتے وقت ماں کو بالکل احساس نہیں ہونے دیا  کہ وہ ر ورہی ہے ۔ لیکن مجھے اور بڑھیا کو معلوم تھا کہ وہ اندر ہی اندر دھاڑیں مار مار کر رو رہی ہے ۔ فون اُس نے مجھے دیا اور خود نانو کی گود میں منہ چھپا لیا ۔

" پپا میں آپ سے  ٹہر کر بات کرتی ہوں " اور فون بند کردیا ۔ 

ہم واپسی کے لئے روانہ ہوگئے  ساتھ ہی دبئی میں بیٹے کو وٹس ایپ کیا۔  ،
"ویزہ نہیں ملا ۔ لہذا دبئی کے ویزے کے لئے ایپلائی مت کرے"

راول ڈیم چوک  سے گذرتے وقت ، مجھے سسکیوں کی آواز آئی ۔ پیچھے مڑ کر دیکھا چم چم رو رہی تھی ۔
" میری جان حوصلہ رکھو ، میں اور تمھاری ماما کچھ سوچتے ہیں " میں نے اُسے چمکارتے ہوئے کہا ۔

" آوا ، میں نے ماما کے پاس جانا ہے " ۔ دسمبر میں وہ اپنی ماما سے ملی تھی  ، وہ  اپنے گالوں پر لمبے لمبے آنسو نکالتے ہوئے بولی ۔

" چم چم میری جان ، اب ہم ایسا کرتے ہیں دبئی جاتے ہیں ، وہاں تمھاری ماما روم سے واپسی پر آئیں گی اور تمھیں اپنے ساتھ ایسٹ تِمور لے جائیں گی ۔ یہ ٹھیک ہے نا " میں نے دلاسہ دیا ۔

" نہیں میں نے ابھی جانا ہے آپ کہیں  وہاں سے میرا ویزہ لگا دیں ۔" وہ روتے ہوئے بولی ۔

" ویزہ والوں نے کہا ہے کہ آپ اپیل کریں ہم شائد ویزہ لگا دیں ، میں ایسا کرتا ہو صرف آپ کے ویزہ لے لئے  کل اپیل کرتا ہوں " میں بولا
" پرسوں تک ویزہ لگ جائے گا " چم چم بولی ۔

" نہیں پھر تیس دن لگیں گے " میں نے کہا ۔

" ماما  تو 4  جولائی کو واپس  ایسٹ تِمور چلی جائیں گی " چم چم بولی " کیا کوئی  اور طریقہ نہیں ہو سکتا مجھے جلدی بھجوانے کا ؟"

گھر پہنچے تو بیٹی کا فون آیا،
" پپا ,میرا 26 جون کو کورس ختم ہو رہا ہے ، میں نے  مزید ایک ہفتہ چھٹیاں آپ کے لئے لی تھیں ۔میں وہ کینسل کرا رہی ہوں " بیٹی بولی ،"  میرا اب روم گھومنے کا ارادہ نہیں ،  آپ کل انڈونیشیاء کے ویزہ کے لئے ایپلائی کریں ، 27 تاریخ کو ہم دوہا   میں ملیں گے اور وایا  بالی ۔  ایسٹ تِمور جائیں گے ۔

لیکن میں نے عالی کو روم ضرور گھمانا ہے ۔

٭٭٭٭٭٭٭آگے پڑھیں ٭٭٭٭٭٭٭٭٭٭

مشرقِ بعید کا دوسرا سفر -