ھاٹ اور ساور ویجیٹیبل سوپ

" آوا ،   سُوپ بہت مزیدار ہے ، کل بھی بنانا " چم چم نے چکن کارن سُوپ کا تیسرا پیالہ لیتے ہوئے کہا ۔

" نہیں پپا کوئی اور سُوپ بنائیں " چم چم کی ماما نے کہا ۔

" ھاٹ اینڈ ساور سُوپ کیسا رہے گا " بوڑھا بولا۔
" آپ کو بنانا آتا ہے ؟ " بڑھیا نے پوچھا ۔
" بیوی  کیا نہیں بنانا آتا ہے ، حکم تو کرو "  بوڑھے نے جواب دیا ۔

" آوا،  یہ آپ نے کہاں سے سیکھا ۔ اپنی ماما سے " چم چم نے پوچھا ۔

" ارے چم چم اُس وقت کہاں یہ سُوپ ہوتےتھے سوائے ، مرغی کی یخنی ،  وہ بھی ہم ناک بند کرکے پیتے تھے ۔"بوڑھے نے جواب دیا
" تو پھر کیسے بنائیں گے ؟ " چم چم نے سوال کیا 

"  ارے  گوگل آنٹی سے  پوچھ کر  " بوڑھے نے جواب دیا ۔

چلیں اب سُوپ کیسے بنایا جاتا ہے ، گوگل آنٹی کے مطابق:

ھاٹ اینڈ ساور ویجیٹیبل  سُوپ  کے آئٹم -

 1-  سبزیاں:کچی پیاز، فریش بین ، شملہ مرچ ، بند گوبھی اورگاجر-سبز مرچیں ۔

2-  بین سپراوُٹ -بٹن مشروم (آپشنل) ،

3-پسی ہوئی  کالی مرچ -کارن فلور ۔ نمک ، چینی -

4-  ویجیٹیبل آئل -

5- ادرک ،  لہسن ،  سبز مرچیں -

6- ڈارک سویا ساس،  سفید سرکہ،  ریڈ چلی ساس ،  ریڈ چلی آئیل-

 آج بوڑھا  جاپان    مارکیٹ گیا وہاں سے  ، " بڑھیا کی لکھی ہوئے پرچی کے مطابق ایتھوپیئن چنبیلی  اور سپر سٹور سے  ، ھاٹ اینڈ ساور ویجیٹیبل   سوپ کا سامان لایا   - " 

بوڑھے کو مارکیٹ سے   بین سپراوُٹ ، بٹن مشروم اور ریڈ چلی آئل نہیں  ملے ۔   لہذا بوڑھا   ، اوئسٹر مشروم  جو ایتھوپیا میں ملتے ہیں    اور سفید لوبیا لے آیا ، تاکہ   دو تین دن بعد    بین سپراوُٹ بنائے جائیں ۔  لیکن سُوپ تو آج بنانا  ہے ۔  

بڑھیا نے کہا ،"  ریڈ چلی آئل "  کے بجائے   تیل میں سرخ    مرچیں تیل کر ڈال دیں  وہی کام ہوجائے گا "
" بیوی ، بین سپراوُٹ نہیں   ملے اور نہ ہی  بٹن مشروم ، تو     ھاٹ اینڈ ساور ویجیٹیبل  سوپ کیسے بنے گا ؟" بوڑھا  بولا

" تو بنا لیں ،    ریڈ چلی آئل ، ویسے مشروم تو لائے ہیں آپ ،زہریلے تو نہیں ؟ "  بڑھیا بولی ۔
" دکان پر بک رہے ہیں ابھی کسی کے مرنے کی خبر نہیں  آئی "بوڑھے نے جواب دیا ۔

جب سے کرونا کا سنا ہے ، بڑھیا نے   اتنی احتیاطی  تدابیر اختیار کر لیں کہ کہ کمرے  ہسپتال کی بو سے بھرے ہوئے ہیں ۔

سبزیاں ، بڑھیا کی ملازمہ نے بوڑھے کے بتائے ہوئے طریقے کے مطابق کاٹیں ۔

بوڑھے نے سب سے پہلے چولہے پر  فرائینگ  باؤل   رکھا ۔اُس میں کھانے کے  دو چمچے ویجی ٹیبل آئیل ڈالا اور   ادرک ،  لہسن ،  سبز مرچیں کا ایک  کھانے کا چمچہ  پیسٹ بڑھیا کے کچن سے لے کر ڈالا اور اُسے بھونا ۔ 

 پھر اُس بھنے ہوئے مصالحے  میں ساری کٹی ہوئی سبزیاں  (کچی پیاز، فریش بین ، شملہ مرچ ، بند گوبھی اورگاجر) ڈال کر چمچے سے   30 سیکنڈ تک ہلایا  ۔

پھر جناب اِس میں  ایک لٹر پانی ڈال دیا  - اور  پانی تین منٹ تک  پکنے دیا ۔

پھر اِس  میں ایک کھانے کا چمچہ  ڈارک سویا ساس  ڈالا -

پھر   ایک کھانے کا چمچہ ، سفید سرکہ ڈالا ،  دو  کھانے کے چمچے  ریڈ چلی ساس ،  ڈالا - اور اِن سب کومکس کیا ، کہ چم چم جو اپنے کمرے میں سوئی ہوئی تھی  باہر نکلی  -
" نانو ، یہ  کس چیز کی خوشبو آرہی ہے ؟ "
" آوا ،  ھاٹ اینڈ ساور سُوپ بنا رہے ہیں " بڑھیا بولی -
" واؤ ، آوا ، سوپ بن گیا ہے ؟ " چم چم  نے کچن میں آتے ہی پوچھا ۔

"بس  بننے والا ہے " بوڑھا بولا
" آپ نے چکن ڈالا ہے " چم چم نے پوچھا۔

" نو ، یہ خالص ویجیٹیبل سوپ ہے " بوڑھا بولا ۔

" مجھے ، چکھائیں " چم چم بولی 

" عالی ،  پہلے منہ ، ھاتھ اچھی طرح دھوؤ اُس کے بعد ڈائینگ ٹیبل پر آؤ " نانو نے حکم  چلایا -
" اچھا نانو " اور اپنے کمرے کی طرف چلی گئی ۔

بوڑھے نے ایک  کھانے کا چمچ    نمک  ،  چینی ڈالی   ، پسی ہوئی کالی مرچیں ڈالیں ۔آپ  اِس میں حسبِ ضرورت نمک  ڈالیں اور اتنی ہی چینی بھی ڈالیں ۔تاکہ دونوں کا تناسب برقرار رہے ،

بوڑھے نے  اوئسٹر  مشروم  ڈالے اور ایک پیالے میں چار کھانے کے چمچ  کارن فلور ڈال کر پانی سے اچھی طرح گھولا اور  فرائینگ باؤل میں ڈال دیا ۔ 

اب باؤل میں سب کو چمچ  سے ہلا کر مکس کر دیا  اور اوپر سے  کٹی ہوئی ہری مرچیں ڈالنا تھیں ، لیکن وہ چم چم کو پسند نہیں ، لہذانہیں ڈالیں  - اور "  ریڈ چلی آئل "   جو بوڑھے نے  ھاٹ اینڈ ساور سُوپ بنانے سے پہلے بنایا تھا  وہ ڈال کر خوب اچھی طرح ہلایا ۔
چم چم کے لئے ایک پیالے میں ڈالا اور میز پر رکھا  - 

" عالی  ، سُوپ تیا ر " بوڑھے نے آواز دی۔

چم چم کمرے سے دوڑتی آئی ، سوپ چکھا -
" آوا ، نہایت مزیدار "
بوڑھے کو اپنی محنت وصول ہوگئی ۔  بڑے پیالے کو سجا یا  اور گھر میں منادی کر دی ۔

سبزیوں کی وجہ سے چم چم  کو سوپ زیادہ پسندنہیں آیا ، اُس نے سبزیاں چھوڑ کر باقی سوپ  چمچے سے پی لیا ۔
" آوا ، کل چکن کارن بنانا"  چم چم بولی ۔
" اوکے مائی سویٹ ھارٹ " بوڑھا بولا ۔ 

 
٭٭٭٭واپس ٭٭٭  

 اوربوڑھے نے بڑھیا کی مدد سے سوپ بنایا ۔

 5- تیاری ـ
٭- کڑھائی میں ہلکی آنچ پر ،  تیل میں مصالحہ بھونیں ،
٭- آنچ بڑھا دیں ۔ کٹی سبزیاں ملا کر 30-60 سیکنڈ بھونیں ۔
٭-ایک جگ پانی ملائیں۔اور آنچ کے مطابق دو سے تین منٹ گلائیں  ۔
٭- بوائل ہونے پر ایک پیالی ڈارک سویا ساس ملائیں -
٭- سفید سرکہ ملائیں -
٭- دو چمچ ریڈ چلی ساس ملائیں۔
٭- حسبِ ضرورت نمک ملائیں۔
٭- حسبِ ضرورت چینی ملائیں تا کہ سوئیٹ اور ساور بیلنس ہوجائیں۔
٭- کالی مرچ ملائیں۔
٭- سب کو مکس کریں ۔
٭- اب بین سپراوٹ اور بٹن مشروم اوپر سے ڈالیں مگرملائیں مت،  تاکہ اوور کُک نہ ہوجائیں -
٭- ٹھنڈے پانی میں کارن فلور ملائیں، اور مشروم کے ارد گردڈال دیں- اور سب چیزیں مکس کریں-
٭- سبز کٹی ہوئی مرچ اور ریڈ چلی آئیل ڈالیں ۔
آپ کا ہاٹ اور ساور سوپ تیار ہے ۔٭