کی آخٹے او جی ، اے پیلے نے پیلے

بہت پرانی بات ہے ، بوڑھے نے اِس خبر پر ماضی میں جاتے ہو ئے دوستوں کو بتایا -

اتنی پرانی کہ چم چم کی ماں اپنی 21 سالہ ماں کی گود میں بیٹھی تھی اور اُس کا 27 سالہ باپ ، موٹر سائیکل چلا رہا تھا اور وہ منظر بدلتے ہوئے دیکھ کر خوش ہورہی تھی اور کلکاریاں مار رہی  تھی ۔ 
نوجوان جوڑا اپنی دس ماہ کی "ڈولی" کی خوشیوں بھری آوازوں سے لطف لے رہا تھا۔ دراصل تین افراد پر مشتمل یہ گھرانا ایبٹ آباد سے ، شنکیاری جا رہا تھا ،  جوان نے سوچا، چلو آج مانسہرہ بائی پاس کے بجائے ، مانسہرہ شہرسے گذرتے ہیں ۔

راستے میں ایک گنے کا رس بیچنے والا ، ٹھیلا دیکھ کر  نوجوان بیوی کا دل گنے کا رَس پینے پر مچل گیا ۔

جوان شوہر نے گنے کے جوس کے اگلے ٹھیلے کے پاس موٹر سائیکل روکی ، مشین پر بے شمار مکھیاں بھنبھنا رہی تھیں ،

نوجوان بیوی کا دل اوبھ گیا ۔

سرگوشی میں جوان شوہر کو کہا ، "نہیں پینا "۔
 شوہر نے موٹر سائیکل چلائی اور آگے بڑھے ۔ جوان نے سوچا ۔ بیوی نے فرمائش کی ہے کیوں نہ ، کوئی اور جوس پلا دوں ، بیوی کو مٹھے کا جوس بھی پسند تھا ۔ اُس نے تھوڑا دور جانے کے بعد اپنی موٹر سائیکل ایک 50 سالہ جوس والے کے پاس روکی ۔ جو شیشے کے دوسری طرف بیٹھا تھا آدھی کھڑکی اتنی کھلی تھی کہ اندر سے جوس پکڑایا جا سکے ۔

"یہ صاف ستھرا ہے یہاں مٹھے کا رس پیتے ہیں " جوان نے کہا ۔
" ہاں ٹھیک ہے " نوجوان بیوی نے کہا ۔
"مٹھے کا گلاس کتنے کا ہے " جوان نے پوچھا
" آٹھ آنے کا جی " جوس والے نے جواب دیا ۔
اِس سے پہلے کہ جوان کچھ جواب دیتا اُس نظر ایلومینیم کی ایک بڑے پیالے میں چینی پڑی دیکھی ۔ جس میں ایک چمچہ بھی تھا ، جس پر چینی چمٹی ہوئی تھی اور چینی میں بڑے چیونٹوں کے اجسامِ متفرقہ پڑے ہوئے تھے ۔ جو سفید پیلی مائل چینی میں زیادہ نمایاں نظر آرہے ہیں ۔
" یہ چیو نٹے کیوں ہیں چینی میں " جوان نے پوچھا
" اوہ نہ جی نہ ، مخیں اے چیو نٹے نّگے ، پیلے نے پیلے ! " جوس والا بولا
"بھائی یہ چیو نٹے ہیں " جوان بولا
"کی آخٹے او جی ، اے پیلے نے  " جوس والے نے چینی کا برتن آگے بڑھاتے ہوئے  بولا۔ تاکہ کم سن اور ناداں جوان ۔ پیلے دیکھ لے ۔
پیلے دیکھنے کے بعد نوجوان نے جوس پینے کا ارادہ ترک کر دیا - اور سیدھا شنکیاری پہنچا ۔ وہاں اُس نے بازاری سے مٹھے لئے ۔ نوجوان بیوی نے لکڑی کی جوس نکالنے والی سادہ مشین سے جوس نکالا اور دونوں نے خالص مٹھے کا جوس، پیلوں کے متفرق اجزاء کے بغیر پیا۔