بدھ کو پروگرام بنا کہ پڑوسیوں سے ملا جائے ۔ چنانچہ مغرب کے بعد اُن کے ہاں گئے ۔ وہاں معلوم ہوا کہ اُنہوں نے 600 روپے کے دو پودے ، اسلام آباد نرسری سے لا کر اُگائے ہیں ۔ اِس کا مطلب ہوا ، کہ یہاں کی آب و ہوا تو سوہانجنا کے لئے قابلِ قبول ہے ۔
گویا اسلام آباد و راولپنڈی کے گردو نواح میں سوہانجنا کی کاشت کی جا سکتی ہے !
گھریلو ملازمہ نے بڑھیا کو معلومات دی ، کہ ڈی ایچ اے میں کہاں کہاں سوہانجنا کے پودے لگے ہوئے ہیں ۔
بڑھیا نے کہا چلیں سٹریٹ 15 میں سوہانجنا کادرخت ہے دیکھتے ہیں ۔ سٹریٹ 15 تو کیا باقیوں میں بھی نظر نہیں آیا۔ تھک ہار کر سٹریٹ 13 کے آخر میں جاکر واپس ہوئے تو گلی کے شروع میں عین سامنے ایک گھر کے سامنے بلند وبالا سوہانجنا کا درخت نظر آیا ، جس کی چوٹی پر پھلیاں لٹک رہی تھیں اور کچھ پھولوں کے گچھے بھی تھے ۔
" یہ کیا کر رہے ہیں ؟"
" بھئی پتے توڑ رہا ہوں اور کیا کر رہا ہوں " بوڑھے نے جواب دیا ۔
"یہ چوری ہے !" بڑھیا نے فتویٰ جڑا ،
" ارے بھئی یہ گھر کے باہر دوسرے پلاٹ میں لگا ہے " بوڑھا بولا ، " چوری کیسے ہوئی ؟"
خیر گھنٹی بجا کر صاحب خانہ سے ملاقات کی ۔ معلوم ہوا سابقہ ای ایم ای ، ویٹرن ہیں، اُنہوں نے نے بوڑھے اور بڑھیا کی دلچسپی دیکھتے ہوئے ایک پودا ، تحفتاً دیا ۔
لیکن اُس سے پہلے بوڑھے اور بڑھیا کو، کرنل امین نے یہ پریزنٹیشن سنائی ، آپ بھی پڑھئیے :
Moringa - Trees for Life
کرنل صاحب نے ایک بڑی بوری میں بہت ساری سوکھی پھلیاں جمع کر رکھی تھیں تاکہ اُن میں سے نکلنے والے بیجوں کا تیل نکالا جاسکے !بوڑھے نے اجازت سے کافی ساری پھلیاں لے لیں ۔ اور گھر آکر اُن سے بیج نکالے ۔ جو غلاف میں تھے ۔
غلاف میں ڈھکے بیجوں کو ایسے ہی ایک پلاسٹک کر ڈبے میں ڈال کر پانی کا اچھا چھڑکاؤ کر کے اُسے بھی ڈھکن سے ڈھک دیا ۔
تیسرے طریقے میں ، غلافی بیجوں کو گملے میں لگایا۔
تاکہ حبس پیدا ہو اور بیج جلدی اپنی جڑ نکالیں ۔
کرنل صاحب کو گملہ واپس کرنا تھا چنانچہ سوہانجنا کے پودے کو اپنے گملے میں شفٹ کرنے لگے ۔ تو پودے کی مولی نما جڑ نظر آئی ۔
باقی خواص کے لئے پڑھیں،
کوئی تبصرے نہیں:
ایک تبصرہ شائع کریں