ایسا کیوں نہیں ہو سکتا ۔

 انگلش کی طرح اردو بھی زبان نہیں ۔ مختلف زبانوں کا سمندر ہے ، جس نے دنیا کو گھیرا ہوا ھے ۔ جس طرح ، ساری دنیا میں گھومیں، آپ کو انگلش بولنے والے اور انگلش سمجھنے والے افراد ملیں گے ۔
اسی طرح آپ کو اردو بولنے والے اور سمجھنے والے افراد بھی ملیں گے خواہ وہ "اردو" کو "ہندی" کے نام سے پکاریں یا اردو کے نام سے ۔
اردو میں اتنی وسعت ہے کہ وہ دوسری زبانوں کے الفاظ اپنے اندر سمیٹ لیتی ہے ۔
گلاس، کلچ ، بریک ، گئیر ، سٹئیرنگ ، کمپیوٹر ، کی بورڈ ، ماؤس ، انجن ، جیٹ ، آکسیجن ، ہائیڈروجن ، ایٹم ، نیوٹران ، پروٹان ، اوزون اور اس طرح کے کئی سائیسی الفاظ اردو کے ہیں ۔

ضرور ، آپ نے "لاوڈ سپیکر" کو ، "آلہ مکبر الصوت" کہہ کر فالتو الفاظ کا جھمگٹا لگانا ہے ؟

اردو بلاگر ، انسانی مضامین کو لوگوں تک پہنچانے کی ایک بہترین کاوش ہے ۔ جس میں لکھنے والے ، اردو اور انگلش کا امتزاج  کا بہترین انداز اپناتے ہیں لیکن کئی جگہ اتنی مشکل الفاظ جگہ پاتے ہیں کہ جن کا سمجھنا ، نوجوان نسل کے لئے بہت مشکل ہوتا ہے ۔