قادری کے خواب

آقا،  بار بار فرماتے ہیں ،کہ
"نہیں میں واپس جانے کا فیصلہ کر چکا ہوں ۔ ۔۔ ۔ ، مجھے  بڑا دکھ دیا ہے ، اِنہویں نے "

یہ اصرار کے ساتھ فرما رہے ہیں ،

اور میں روتا جارہا ہوں ، روتا جا رہا ہوں ، قدم میں نے پکڑے ہوئے ہیں ۔

کہتا ہوں حضور نہیں جانے دیں گے ۔

حضور نہیں جانے دیں گے ۔

حضور آپ کرم فرمائیں ، نظر ثانی فرمائیں

بڑی دیر رونے اور التجا کرنے کے بعد

آقا کی طبیعت مقدسہ میں کچھ قرار آتاہے ، شفقت آتی ہے ،   غصہ مبارک تھوڑا ٹھنڈا ہو جاتا ہے اور فرماتے ہیں ،

" طاہر !  اگر مزید پاکستان میں تم مجھے ٹہرانا چاہتے ہو تو  صرف ایک شرط ، " مجھے پاکستان میں مزید ٹہرانا چاہتے ہو،  ۔ ۔ ۔   تو   ،  ۔ ۔ ۔ ۔  تو  صرف ایک شرط !"

" تم اُس شرط کے پورا کرنے کا وعدہ کر لو ،  ۔ ۔  میں وعدہ کرتا ہوں  !

میں نے عرض کیا حضور ۔۔ وہ شرط کیا ہے؟   ۔۔۔۔  وہ شرط کیا ہے ؟
جو کچھ ہو سکا " ہم" کریں گے ۔
آپ فرماتے ہیں ،

" طاہر اگر چاہتے ہو ۔۔ کہ میں ۔ پاکستان میں رُک جاؤں ۔
تو شرط صرف یہ ہے ، کہ میرے  میزبان تم بن جاؤ ،

۔ ۔ ۔  میرے  میزبان تم بن جاؤ ۔۔  رُکتا ہوں یہاں "( آہ و بکا کا شور بلند ہوتا ہے )

رُکتا ہوں یہاں ،  ۔ ۔ ۔  بیان کرتا ہوں ۔  مجھے انکار نہیں ،  بڑی سعادت ہے ۔ ۔  مگر میں اِس قابل کہاں ؟
میں تو بڑا کمزور اور ناتواں آدمی ہوں ،،   حضور میں آپ کی میز بانی کیسے کر سکوں گا ؟
مجھ سے کیسے میزبانی ہو گی ؟ فرماتے ہیں ۔

"بس شرط ایک ہے ،  تم مجھ سے وعدہ کر لو ۔۔ ۔ مجھ سے وعدہ کر لو ۔ میری میزبانی کا ۔  تم وعدہ کر لو ۔  پھر میں رُکنے کا وعدہ   کر لیتا ہوں "(گریہ زاری ، بھی جاری ہے  )

میں رو رو کر ہاتھ جوڑتا ہوں ۔ ۔ ۔ ،   ہاتھ جوڑتا ہوں۔ ۔ ۔  ،  حضور میں نے آپ سے وعدہ کر لیا ۔ ۔ ۔ ۔ ، میں میزبان بنتا ہوں حضور کا ،  فرماتے ہیں ،
" طاہر تونے وعدہ کیا ،   تو میں بھی وعدہ کرتا ہوں کہ رُک جاتا ہوں ۔۔۔۔ "

اور فرمایا ،

"میں مزید ،  سات دن اپنا قیام   ، پاکستان میں تمھارے کہنے پر  کر لیتا ہوں ، ۔ ۔ ۔ ۔  سات دن مزید رہوں گا ۔ ۔ ۔ "

کتنا  ؟۔ ۔ ۔ ۔۔ ۔ ۔۔   فرمایا ،
" مزید سات دن یہاں رہنے کا وعدہ کر لیتا ہوں ،"

اب میں کچھ نہیں کہہ سکتا ،  سات دن سے مراد کیا ہے ؟

یہ کتنی مدت ہے ؟ ۔ ۔ ۔   یہ وہی جانتے ہیں ، اِس کی تفصیل  مجھے معلوم نہیں  ۔

سات دنوں سے مراد کتنی مدت ہے ؟ فرمایا ،
"سات دن میں رُکتا ہوں ،  تمھاری میزبانی ۔ ۔ ۔ "
میں نے کہا مجھے منظور ، اب یہ کیسے ہوگا سب کچھ ، فرمایا ،

" تم عہد کر لو ،  سب یہ انتظام ہوجائے گا ،  ۔ ۔ ۔ ۔۔  سب انتظام ہو جائے گا " ۔ ۔ ۔ ۔
پھر مجھ سے فرماتے ہیں کہ ،

" ایک وعدہ اور مجھ سے کرو  ،  ۔ ۔ ۔ ۔ میرا ٹہرنے کا انتظام بھی تم نے کرنا ہوگا ۔۔ ۔ ۔ ۔ ۔ ۔   میرے کھانے پینے کا انتظام بھی تمھارے سپرد ہوگا ۔ ۔  پاکستان میں کہیں آؤں گا،  جاؤں گا ، ۔۔۔۔۔۔وہ  ٹکٹ اور انتظام اور آمد و رفت بھی تمھارے ذمے ، سپرد ہو گی ، ۔ ۔ ۔ ۔  اور  واپس جب مدینہ جانا ہوگا تو  مدینے تک کا ٹکٹ تم لے کر دو گے ،   ۔ ۔ ۔ ۔ ۔ ۔ یہ سارا انتظام تمھارے سپرد ہو گا ۔۔ ۔ ۔ ۔  یہ وعدہ کر لو  ۔ ۔ ۔۔ ۔  ، "
میں نے (ہاتھ جوڑتے ہوئے ) عرض کیا حضور یہ سارا وعدہ ہو گیا  ۔  فرماتے ہیں ،
: پھر میرا وعدہ ہے کہ میں سات دن یہاں رک جاتا ہوں ، "

اور پھر آقا نے فرمایا ،

" تم اپنا ادارہ ، منہاج القرآن بناؤ ۔۔۔۔۔میں تم  سے وعدہ کرتا ہوں میں تمھارے ادارے میں آؤں گا ۔ "
( آہ و بکا کا شور بلند ہوتا ہے اور کافی دیر رہتا ہے )
حاضرین ، اب آپ خود ہی فیصلہ کر سکتے ہیں ، کہ جو شخص اِس طرح کا وعدہ کر چکا ہو ، اُسے سفر تنہائی  کیوں نہ کرنا پڑے وہ کیسے کر سکتا ہے ؟ میرا تو ایمان جاتا ہے ، ۔ ۔  ایمان کا مسئلہ ہے ،  اور یہ جو کچھ پاکستان میں ہو گیا ہے دین کے ساتھ ، یہ کیا ؟ ۔ ۔ ۔ ۔

 سب  اس اَمر کی طرف اشارہ نہیں سمجھتے ؟ سب اہل پاکستان ۔ ۔ ۔ ۔  سب کچھ آقا نے فرمایا ۔ ۔ ۔ اللہ نے مجھے موقع دیا ہے ۔

دوستو ! مبارک ہو آپ کو ،  (خیر مبارک کی آواز بلند ہوتی ہے )

  کہ ، اِن سب کے اِس    (کسی گمنام طرف اشارہ  کرتے ہوئے ) کے بعد میزبانی حضور نے آپ کے سپرد کی تھی ،
منہاج القرآن کے سپرد کی ہے میزبانی اور وعدہ لیا ہے آپ کی طرف سے وعدہ لیا ہے ، کہ میزبانی ،
۔ ۔ ۔ ۔ایام آگئے میزبانی ۔ ۔ ۔کیا اسلام کا نفاذ ، مراد نہیں ہے ؟ ۔۔۔
یا اِس  سے مراد اسلام کا نفاذ نہیں ہے ؟
اسلامی انقلاب نہیں ہے ؟
یا اِس کے علاوہ کچھ ،۔۔۔۔
اس لئے دوستو  ، ہم اپنا تن من دھن اسلامی انقلاب کے لئے نہیں لُٹاتے تو ہمارا ایمان جاتا ہے  ،

 (رونا مچتا ہے )
سب کچھ لُٹا دینا ہے ۔   میں تو آقا سے وعدہ کر چکا ہوں آپ وعدہ کرتے ہیں ؟
(رونا مچتا ہے )

دوستو ! یہ سات دن کا اشارہ ،  اِس کا مفہوم واضح طور پر تو ، ۔ ۔ ۔ ۔ 
میں نہیں کہ سکتا کہ اس سے مراد کتنی مدت ہے ؟
  مگر یہ قیام مشروط ہے ۔  یہ قیام مشروط فرمایا ہے سات دنوں سے ،  چاہیں تو بڑھا دیں چاھیں گھٹا دیں ۔ 
کیا معلوم میزبانی بھی پسند آئے نہ آئے ۔۔۔۔۔۔
ڈر لگتا ہے کہ  اتنا اونچا مہمان ہے کہیں ناراض نہ ہو جائے ۔

یہ مشروط وعدہ ہے ،  اِس لئے ہم طویل وقت کے انتظار کے متحمل نہیں ہوسکتے ۔
کہیں ایسا نہ ہو کہ اِس کرم سے بھی ہاتھ دھو بیٹھیں ۔ کرم سے بھی ہاتھ دھو بیٹھیں ،
پھر منہ دکھانے کے قابل نہیں رہیں گے ۔
اب ہمیں اُٹھ کھڑا ہونا چاھئیے ۔ اُٹھ کھڑا ہونا چاھئیے ۔   اسلامی انقلاب لانے کے لئے ۔
  باطل ، طاغوتی اور مفاد پرست منافق قوتوں کے خلاف ، سینہ سپر ہو جانے کے لئے ۔
سیاسی انقلاب کے لئے اُٹھ کھڑا ہونا چاھئیے ۔ 

٭٭٭٭٭٭٭٭٭٭٭٭٭٭٭٭٭

 قارئین !
اُوپر ، دی گئی وڈیو کو بہ ہوش و ھواس سن کر، میں نے اِسے لفظوں میں تحریر کیا ہے ، ہوسکتا ہے کہ ایک آدھ ، لفظ آگے پیچھے ہو گیا ہو ، لیکن فقروں کی تبدیلی ، میں نے کوئی نہیں کی ۔
'
خواب کیا ہوتا ہے ، اِس بارے میں میں کیا کہوں آپ سب خواب دیکھتے ہیں۔

ہم بھی اپنی طویل عمری  کے اِس  22,222   دنوں  کے سفر میں   اتنے تو نہیں غالباً ،   تین چوتھائی خواب تو ضرور دیکھے ہوں گے۔جن میں۔

 وقت کے لحاظ سے :
بچپن کے خواب ، نوخیزگی کے خواب ،نوجوانی   کے خواب ، جوانی کے خواب ، بھرپور جوانی کے خواب ، ادھیڑ عمری کے خواب ، بُڑھاپے کے خواب ۔

حالت کے لحاظ سے :
طالبعلمانہ خواب ، فوجیانہ خواب، بزنسیانہ خواب ، ریٹائرڈیانہ خواب ۔

ضرورت کے لحاظ: پیٹے جانے اور بچنے کے خواب ، مٹھائیوں اور دیگر لذیذ اشیاء کے خواب ،  سائیکل ، موٹر سائیکل ، کار کے خواب ،  نوخیزاؤں، دوشیزاؤں  اور مشکیزاؤں کی صورت میں شرعی بیویوں کے خواب ۔

مذہب کے لحاظ سے، کبھی دوزخ کا خواب نہیں آیا ۔ جنت کے بے تحاشا خواب آئے ،

ہاں مجھے ایک ، ایسا سچا خواب  مکہ میں  آیا جو ہوبہو صرف چار دن بعد جاگتی آنکھوں سے کوئیٹہ میں دیکھا     اور دو ایسے خواب دیکھے ، کہ جن کی تعبیر نہ جانے ویسی ہوتی یا ویسی نہ ہوتی۔

اِن میں سے ایک خواب میں ، ایک ایسی ہستی کی زیارت ، چلے کے دوران ہوئی ۔ لیکن میں ڈرپوک یا کم عقیدہ تیسرے دن چلہ چھوڑ کر بھاگ گیا ۔

ورنہ قاضی کا ہم عصر شیخ الاسلام تو نہیں غالباً اِس سے کوئی بڑا لقب اختیار کرتا ، اور ایک خلق کثیر کو گمراہ کردیتا